16 سالہ طالبہ امن کے نوبل انعام کیلئے نامزد

سوئیڈن سے تعلق رکھنے والی 16 سالہ طالبہ گرتا تھنبرگ   کو امن کے نوبل انعام کے لیے نامزد کیا گیا ہے۔

تفصیلات کے مطابق گرتا تھنبرگ کی کاوشوں نے ماحولیاتی تبدیلی کا مقابلہ کرنے کے لیے ایک عالمی تحریک کو جنم دیا ہے، انھیں ناروے کے تین اراکینِ اسمبلی نے نامزد کیا ہے، اگر وہ کامیاب ہوتی ہیں تو وہ یہ انعام جیتنے والی نوجوان ترین شخص ہوں گی۔ پاکستان کی ملالہ یوسفزئی نے یہ انعام 17 سال کی عمر میں حاصل کیا تھا، گرتا تھنبرگ نے اس خبر کے ردعمل میں ٹوئٹر پر ایک پیغام میں کہا کہ یہ نامزدگی ان کے لیے اعزاز کی بات ہے۔