برلن فلم فیسٹیول 2021 کی تقریب ورچوئل ہو گی

دنیا کے سب سے معروف فلم فیسٹیولز میں سے ایک اور یورپ کے نامور فلمی میلے برلن فلم فیسٹیول 2021 کی تقریب ورچوئل منعقد کی جائے گی۔

حال ہی میں برلن فلم فیسٹیول 2021 کے حوالے سے اہم اعلان کیا گیا ہے کہ عالمی وبا کورونا وائرس کے باعث پابندیوں کی وجہ سے فیسٹیول کی رنگا رنگ تقریب منعقد نہیں کی جائے گی۔

آئندہ سال یورپ کے نامور فلمی میلے کی تقریب آن لائن یعی ورچوئل منعقد کی جائے گی۔

برلن فلم فیسٹیول 2021 کی تاریخ 11 سے 21 فروری تک مقرر کی گئی تھی لیکن کورونا وائرس کی وجہ سے برلن فلم فیسٹیول 2021 کی تاریخ آگے بڑھا کر مارچ کے پہلے ہفتے میں مقرر کر دی گئی ہے۔

خیال رہے کہ گزشتہ دنوں فلموں کی دنیا کے سب سے بڑے میلے آسکر ایوارڈکی تقریب ورچوئل کے بجائے روایتی انداز میں منعقد کرنے کا فیصلہ کیا گیا تھا۔