سندھ میں گورنر راج لگانا چاہیے، ضروری ہو گیا ہے: سینیٹر فیصل جاوید

اسلام آباد: پاکستان تحریک انصاف کے سینیٹر فیصل جاوید نے کہا ہے کہ سندھ میں گورنر راج لگانا چاہیے، ضروری ہو گیا ہے۔

ہم نیوز کے مطابق انہوں ںے یہ بات سماجی رابطوں کی ویب سائٹ ’ ٹوئٹر‘ پر جاری کردہ اپنے ایک پیغام میں کہی ہے۔

پی ٹی آئی سینیٹر فیصل جاوید نے الزام عائد کیا کہ کرپشن اور لوٹ مار کے پیسے سے ایم این ایز کو خریدا جا رہا ہے۔

انہوں ںے کہا کہ سندھ کےحالات انتہائی خراب ہیں جب کہ سندھ میں پیپلز پارٹی کی لگاتار 13 سالوں سے حکومت ہے۔

سینیٹر فیصل جاوید نے کہا کہ انہوں نے صرف اپنی جیبیں بھریں، گورنر راج ضروری ہو گیا ہے۔