آصف زرداری کی برطانوی ہائی کمشنر سے ملاقات

اسلام آباد میں قائم امریکی سفارت خانے سے جاری بیان میں کہا گیا کہ پاکستان میں تعینات سفیر ڈونلڈ بلوم نے سابق وزیراعظم نواز شریف مختلف سیاسی رہنماؤں سے لاہور اور ملتان میں الگ الگ ملاقاتیں کیں۔

امریکی مشن کے ترجمان جوناتھن لیلی نے بیان میں کہا کہ ڈونلڈ بلوم نے لاہور میں سابق وزیراعظم نواز شریف، استحکام پاکستان پارٹی کے بانی جہانگیر ترین اور ملتان میں سابق وزیراعظم سید یوسف رضا گیلانی سے الگ،الگ ملاقاتیں کیں۔

انہوں نے بتایا کہ پاکستان کی سیاسی جماعتوں کے رابطوں کے تحت سفیر ڈیوڈ بلوم نے ملتان میں مختلف سیاسی جماعتوں کے نمائندوں سے ملاقات کی جہاں سابق وزیراعظم یوسف رضا گیلانی نے ملتان اور لاہور میں نواز شریف اور جہانگیر ترین وفد کی میزبانی کی۔

بیان میں کہا گیا کہ ملاقات میں آزادانہ اور شفاف انتخابات اور پاکستان کے عوام کو اپنی مستقبل کی قیادت منتخب کرنے کے حق سے متعلق تبادلہ خیال کیا گیا۔

ترجمان نے مزید بتایا کہ ان ملاقاتوں میں امریکا-پاکستان تجارت اور سرمایہ کاری کے تعلقات مزید مضبوط کرنے اور پاک-امریکا ’گرین الائنس‘ فریم ورک کے فروغ پر بات کی گئی۔

پاکستان پیپلزپارٹی پارلیمنٹیرینز کے صدر آصف علی زرداری نے برطانوی ہائی کمشنر جین میریٹ سے ملاقات کی۔

سابق صدر مملکت آصف علی زرداری نے شاہ چارلس کے جنم دن کے حوالے سے اظہار مسرت کا پیغام دیا اور ڈیوڈ کیمرون کے وزیرخارجہ بننے پر بھی نیک تمناؤں کا اظہار کیا۔

آصف زرداری نے غزہ میں اسرائیلی جارحیت کے خاتمے کے لیے برطانیہ سے مصالحتی کردار ادا کرنے پر زور دیا۔

آصف زرداری اور برطانوی ہائی کمشنر جین میریٹ کے درمیان دوطرفہ تعلقات کے فروغ پر بھی بات چیت ہوئی۔

سابق صدر اور برطانوی ہائی کمشنر کے درمیان ملاقات کے موقع پر سینیٹر سلیم مانڈوی والا اور ڈاکٹر عاصم بھی موجود تھے۔