حیات آباد سپر لیگ،قمبر الیون دی شاندار کامیابی،شاہد آفریدی مرد میدان قرار

پشور- حیات آباد سپر لیگ 2025دے چھیویں میچ وچ قمبر الیون نے ناظم فائٹر نوں 8وکٹاں توں ہرا دتا۔ ایہ میچ حیات آباد سپورٹس کمپلیکس پشاور وچ کھیڈیا گیا جتھے قمبر الیون نے ٹاس جِت کے پہلے فیلڈ کرن دا فیصلا کیتا۔

ناظم فائٹر دی بیٹنگ لائن وچ مشکلاں آئیاں، تے پوری ٹیم الاٹ کیتے گئے 20 اووراں وچ 7 وکٹاں دے نقصان اُتے صرف 111 دوڑاں بنا سکی۔ امام آفریدی نوں اک رن بنائے آؤٹ کر دتا گیا جدکہ عماد آفریدی نے 27سکور دی اننگز کھیڈی۔ عثمان آفریدی نے 10 دوڑاں بنائیاں۔ قمبر الیون لئی زبیر، ساجد، تے عدنان احمد نے چنگی گیند بازی کیتی، زبیر نے 4 اووراں وچ 24 سکور بنا کے 2 وکٹاں لئیاں، جدکہ ساجد تے عدنان احمد نے وی اک اک وکٹ لئی۔

جواب وچ قمبر الیون نے 12ویں اوور وچ صرف 2وکٹاں دے نقصان اُتے 112سکور دا ٹارگٹ حاصل کیتا۔ ملہم نے 50 دوڑاں دی ناقابل شکست اننگز کھیڈی جدکہ ابوبکر 31 دوڑاں تے آؤٹ ہو گئے۔ عدنان احمد نے وی 19 دوڑاں دی ناقابل شکست اننگز کھیڈی تے ٹیم دی جت وچ کلیدی کردار ادا کیتا۔ ناظم فائٹر لئی اعظم خان تے عثمان آفریدی نے اک اک وکٹ لئی۔

قمبر الیون دے شاہد آفریدی نوں شاندار کارکردگی پاروں مین آف دی میچ قرار دتا گیا جدکہ قمبر الیون دی جت وچ بیٹنگ تے باؤلنگ دوناں نے وڈا کردار ادا کیتا جدکہ ناظم فائٹر دی ٹیم مضبوط شروعات دے باوجود وڈا سکور بنان وچ ناکام رہی۔