وزیر اعظم عمران خان نے پاکستان کی موجودہ صورتحال پر روسی نژاد امریکن معروف مصنفہ این رینڈ کی تحریر کا حوالہ دیتے ہوئے کہا کہ این رینڈ نے 60 برس قبل جو لکھا وہ آج کے حالات پر پورا اترتا ہے۔
وزیراعظم عمران خان نے سوشل میڈیا پر اپنے ٹوئٹ میں این رینڈ کی تحریر کا حوالہ دیا جو انہوں نے 60 برس قبل لکھی تھی۔
عمران خان نے این رینڈ کی تحریر ٹوئٹ کی جس میں اُن کا کہنا تھا جب کوئی شے بنانے کے لئے اُن لوگوں سے اجازت لینی پڑے جو خود کچھ نہ بناتے ہوں، جب پیسہ ان کے پاس جا رہا ہو جو اچھائی کے لیے نہیں مفاد کے لیے کام کرتے ہوں، جب قانون بھی آپ کے خلاف انہیں تحفظ دیتا ہو، جب بد عنوانی کو ایوارڈ اور دیانتداری ذات کی قربانی ہو۔
وزیراعظم نے لکھا کہ پاکستان تحریک انصاف کو بھی ایسے ہی وقت میں حکومت کی باگ ڈور سنبھالنا پڑی۔
انہوں نے مزید لکھا کہ این رینڈ نے 60 برس قبل جو لکھا وہ آج کے حالات پر پورا اترتا ہے۔