انسداد کورونا کے ادارے نیشنل کمانڈ اینڈ آپریشن سینٹر(این سی او سی) نے ملک بھر میں تعلیمی ادارے 23 مئی تک بند رکھنے کا فیصلہ کرلیا۔
این سی او سی کے اعلامیے کے مطابق آج کے این سی او سی اجلاس میں فیصلہ کیا گیا ہے کہ کورونا کے پیش نظر 17 مئی تک بند کیے گئے تعلیمی ادارے اب 23 مئی تک بند رہیں گے۔
اعلامیے میں کہا گیا ہے کہ تعلیمی ادارے کھولنے سے متعلق جائزہ اجلاس 18 مئی کو ہوگا۔
خیال رہے کہ اس سے قبل تعلیمی ادارے عید تک بند کیے گئے تھے تاہم اب بھی ملک میں کورونا کیسز میں اضافہ ہورہا ہے۔